مرثيه في اميرنا المحبوب الامير عبد المجيد ابن عبدالعزيزال سعود

[صعب الرجال]

يالله ياحلال عســــــــر المغاليب = كل الامـــــــــور بجال عفوك سهلًه
هون علينا ضايقات المكاتيــــب = وعليـــك يارب العــــــباد التكلًــــه
مرحوم يارجل على العز والطيب =قلبه حنون ومجلـــسه ما تمــــــله
ياريف من عكرت عليه المشاريب=يلفيه من جاله من الوقت ملــــــه
واللي ورط في حانيات المحانيــب=فكاك عسرات الامور الشكلـــــــه
رجل وصل بالطيب عالي المراقيب=الطيب طبعه والمعاريف ضلـــــه
ياشيب عين ما بعدصابها الشيــب=ويامل عين تهمل الدمع كلـــــــــه
البيت صانه في زمان التقاليـــــب= يوم البشرمن فوق سبعين ملــه
هذاك ابوفيصل عريب المناسيــب=تدعي له العربان في كل حلــــــه
والطيب عند اهل الكرم والمواجيب=سباق همال السحاب المطلـــــه
يالله تجيره من لهيب اللواهيــــــب=ومن جنة الفردوس عبدك تعله
ياعالم بالسر والجهر والغيــــــب=تعلم خطا الانسان دقــــــه وجله

[حسن بلقاسم]

مرحوم يارجل على العز والطيـب
...قلبه حنـون ومجلسـه مـا تملـه

رحم الله أمير الحب .. وبسمة القلب
كعادتك أيها الشاعر الرقيق
تجبرنا على المتابعة .. بجمال حرفك
وسمو فكرتك .. ورقة مشاعرك
أدام الله تواصلك

لك حبي ..

[سيوف الصمت]

قصيده جميله ويستاهل الامير عبد المجيد