المساعد الشخصي الرقمي

مشاهدة النسخة كاملة : يا ذيـــــب انا بوصيك لاتاكل الذيب **** كم ليلة عشاك عقب المجاعة

أبو مشعل
05-17-2007, 08:58 PM
قصيدة أعجبتني و أحببت أن أشارككم بها .... عنوانها :
ياعبيد انا بوصيك
مرثية شالح في أبنه ذيب

ياربعنا ياللي على الفطر الشــــــيب **** عز الله أنه ضاع منكم وداعه

رحتوا على الطوعات مثل العياسيب **** وجيتوا وخليتوا لقلبي بضاعة

خـلــيـــتوا النــادر بــدار الاجـــانيب **** وضاقت بي الآفاق عقب أتساعه

تـكـدرن لي صــــافــــيات المشاريب **** وبالعون شفت الذل عقب الشجاعة

يا ذيـــــب انا بوصيك لاتاكل الذيب **** كم ليلة عشاك عقب المجاعة

كم ليلة عشـــاك حرش العـــراقيب **** وكم شيخ قوم كزته لك ذراعه

كفه بعدوانه شـــنيـع المـضــاريب **** ويسقي عدوه بالوغى سم ساعه

ويضحك ليا صكت عليه المغاليب **** ويلكد على جمع العدو باندفاعه

وبيته لجيرانه يشيد على الطيب **** وللضيف يبنى في طويل الرفاعه

جرحي عطيب ولا بقى لي مقاضيب **** وافختّ حبل الوصل عقب انقطاعه

كني بعد فقده بحــــامي اللواهيب **** وكني غريب الدار ما له جماعه

من عقب ذيب الخيل عرج مهاليب **** يا هل الرمك ماعاد فيهن طماعه

قالوا تطيب قلت : وش لون ابا الطيب **** وطلبت من عند الكريم الشفاعة
عاشق القنفذة
05-17-2007, 10:45 PM
الله الله الله الله عيلك يا ابو مشعل يسلموووووووو ايدك الصراحة انت متالق في المنتدى لا تحرمنا من جديدك القادم والرائع
الفـCavalierـارس
05-17-2007, 10:53 PM
مشكوووووووووووووووووووووور

وبارك الله فيك

على النقل الجميل لقصيدة رائعة
أبو مشعل
05-17-2007, 11:25 PM
عاشق القنفذة
الفـCavalierـارس

أسعدني مروركم............أخوووووكم