عمر غانم السحاري
01-31-2007, 02:15 AM
أحبتي
هذه القصيدة الثالثة التي أشارك بها هنا
أتمنى تعجبكم
إليكم
أظلم سلاف وتاج وأقهر إمارات=لـ جيت أقارنـهم مع الغالية س
و إلا الثـلاث بكل أمـانـة جـمـيـلات=لكن معاها أوصافهم بيـنها البـيـن
مثل القمر يا زين زينه و إذا جـات=للشمس طـلّه اسـتـحى و ابتعد حـيـن
ما ابالغ إن قلت الحلا لو له إثبات=جمالهـا أقوى الحجج و الـبراهـيـن
لعيونها أنسى الـعـنـا و المسافات=و أجي لهـا ماشي على الـخـط ميتين
مجنونهـا .. و أصير مجنون بالـذات=لـ قالت بكل الـدلـع يا هـلاويـن
أطيح من طـولـي و أتـمـتـم بكلمات=مـحـدٍ يـعـي مقصـودهـا غـير شخصين
و لا كـن سـمـعـي مبرمج إلا لموجـات=صـوتٍ يزلـزلـنـي مـع إنّ بـه لـيـن
صـوتٍ و ربّـي مـا هـو بمثل الأصـوات=ترقص فـ راسي لا سمعته .. شياطـيـن
و لـ من ضـحـك ثغرٍ تقل فيه لمبـات=تـسـوي دعايا للفرش و الـمعـاجيـن
وإلا الشفاه .. الله يا هي من شـفـاة=لون الجمر فيها و فيها حلى التيـن
و أما الخدود تحار فيها العبـارات=ما كنّها إلا مـن ورود البـسـاتـيـن
و عيونها نـظـراتهـا غـير نـظـرات=تـأثـيـرهـا تأثير حكم السـلاطـيـن
تآمر و تنهـى فـ العقول اللبيبـات=و تثبت شجاعـتهـا فـ كل المياديـن
و إلا جبينٍ لـه فـ لـيـلـي عـلامـات=تدلنـي لا تـهـت بيـن الـمـزايـيـن
و ليـلهـا لـ مـررت فـيـه نجـمـات=تـقـول لأهـل البرتقالة مساكين
ما هـم بنات اللي ملوا هالكليبـات=لا لا يغرك رقـصـهـم و الفـسـاتـيـن
حبيبتي لولا الحـيا و الـعـبـايـات=لأصـبـح ضحايا حسـنهـا بالمـلايـيـن
يـكـفـي تمسكها بـكـل الـعـبـادات=و تخاف رب الكون فـ العسر و اللين
آراءها فـ كل الـمـواقـف سـديـدات=مع إنّهـا يا دوبـهـا تحت عـشـريـن
و فـ اسلوبهـا رقّة تفوق الفراشـات=يا جعلني فدوّة لرقة ضـيـا العـيـن
يا كبرهـا في قلبيّ اللي بهـا مـات=و يا صـغـر كل اللي بهـا مستهينين
أحـبهـا حـب الـعـرب للـخـطـابـات=و أدوّّن لـحـضـرة حـلاهــا دواويــن
و حبي لها مبني على أسمى العلاقـات=عـقـدٍ فـ شـرع الله حـصـنٍ للاثـنـيـن
ما ني بمن يعـلـب عـلى هـالبنيّـات=و يـقـول ما لا يفعله ناقص الـديـن
أنا مـع بـعـدي و هـمـي و الآهــات=و حظوظي اللي للورا سـيـرهـا زيـن
مـا أفكر فـ لحظة أخـون الأمـانـات=و لا أعـطي لنفسي حق تلعب بـحبليـن
أعلنت رفـضـي للعبث و التـفـاهـات=و خليت من صـبري لحـبـي عـنـاويـن
يكفيني أسمع عنها الأخبار و إن فات=عــنـي شـي .. أبـلـقـاه بـعـديـن
و إن قالهـا الله و انتهت هالمعاناة=فأنا بـعـون الله بأظـفـر بثنـتـيـن
الأوله زوجة لهـا الـمـجـد غـأيـات=و الثانية أرقى بنفسي عن الـشـيـن
و الحين ما لي بعد ما قلت أبـيـات=إلا سـؤال اللي يجـيـب المـنـاديـن
ربٍ على خـلـقـه جـزيـل العـطـيّـات=أسأله يجـمـعـنـي بمحـبوبتي س
و سلامتكم
أخوكم
عمر
هذه القصيدة الثالثة التي أشارك بها هنا
أتمنى تعجبكم
إليكم
أظلم سلاف وتاج وأقهر إمارات=لـ جيت أقارنـهم مع الغالية س
و إلا الثـلاث بكل أمـانـة جـمـيـلات=لكن معاها أوصافهم بيـنها البـيـن
مثل القمر يا زين زينه و إذا جـات=للشمس طـلّه اسـتـحى و ابتعد حـيـن
ما ابالغ إن قلت الحلا لو له إثبات=جمالهـا أقوى الحجج و الـبراهـيـن
لعيونها أنسى الـعـنـا و المسافات=و أجي لهـا ماشي على الـخـط ميتين
مجنونهـا .. و أصير مجنون بالـذات=لـ قالت بكل الـدلـع يا هـلاويـن
أطيح من طـولـي و أتـمـتـم بكلمات=مـحـدٍ يـعـي مقصـودهـا غـير شخصين
و لا كـن سـمـعـي مبرمج إلا لموجـات=صـوتٍ يزلـزلـنـي مـع إنّ بـه لـيـن
صـوتٍ و ربّـي مـا هـو بمثل الأصـوات=ترقص فـ راسي لا سمعته .. شياطـيـن
و لـ من ضـحـك ثغرٍ تقل فيه لمبـات=تـسـوي دعايا للفرش و الـمعـاجيـن
وإلا الشفاه .. الله يا هي من شـفـاة=لون الجمر فيها و فيها حلى التيـن
و أما الخدود تحار فيها العبـارات=ما كنّها إلا مـن ورود البـسـاتـيـن
و عيونها نـظـراتهـا غـير نـظـرات=تـأثـيـرهـا تأثير حكم السـلاطـيـن
تآمر و تنهـى فـ العقول اللبيبـات=و تثبت شجاعـتهـا فـ كل المياديـن
و إلا جبينٍ لـه فـ لـيـلـي عـلامـات=تدلنـي لا تـهـت بيـن الـمـزايـيـن
و ليـلهـا لـ مـررت فـيـه نجـمـات=تـقـول لأهـل البرتقالة مساكين
ما هـم بنات اللي ملوا هالكليبـات=لا لا يغرك رقـصـهـم و الفـسـاتـيـن
حبيبتي لولا الحـيا و الـعـبـايـات=لأصـبـح ضحايا حسـنهـا بالمـلايـيـن
يـكـفـي تمسكها بـكـل الـعـبـادات=و تخاف رب الكون فـ العسر و اللين
آراءها فـ كل الـمـواقـف سـديـدات=مع إنّهـا يا دوبـهـا تحت عـشـريـن
و فـ اسلوبهـا رقّة تفوق الفراشـات=يا جعلني فدوّة لرقة ضـيـا العـيـن
يا كبرهـا في قلبيّ اللي بهـا مـات=و يا صـغـر كل اللي بهـا مستهينين
أحـبهـا حـب الـعـرب للـخـطـابـات=و أدوّّن لـحـضـرة حـلاهــا دواويــن
و حبي لها مبني على أسمى العلاقـات=عـقـدٍ فـ شـرع الله حـصـنٍ للاثـنـيـن
ما ني بمن يعـلـب عـلى هـالبنيّـات=و يـقـول ما لا يفعله ناقص الـديـن
أنا مـع بـعـدي و هـمـي و الآهــات=و حظوظي اللي للورا سـيـرهـا زيـن
مـا أفكر فـ لحظة أخـون الأمـانـات=و لا أعـطي لنفسي حق تلعب بـحبليـن
أعلنت رفـضـي للعبث و التـفـاهـات=و خليت من صـبري لحـبـي عـنـاويـن
يكفيني أسمع عنها الأخبار و إن فات=عــنـي شـي .. أبـلـقـاه بـعـديـن
و إن قالهـا الله و انتهت هالمعاناة=فأنا بـعـون الله بأظـفـر بثنـتـيـن
الأوله زوجة لهـا الـمـجـد غـأيـات=و الثانية أرقى بنفسي عن الـشـيـن
و الحين ما لي بعد ما قلت أبـيـات=إلا سـؤال اللي يجـيـب المـنـاديـن
ربٍ على خـلـقـه جـزيـل العـطـيّـات=أسأله يجـمـعـنـي بمحـبوبتي س
و سلامتكم
أخوكم
عمر