صدر الشمالي ما يضيق بساع

[فرفوش]

يقولون العرب صدر الشمالي .. مايضيق بساع
وانا اقول الصدور اليوم .. ماعادت شماليه
بدت في داخلي ضيقه عجزت القالها مطلاع
تغيب . وترجع .. وترجع تغيب ... ومالها نيه
عمتني كلمة ٍ جتني . وضقت .. وضاق صدر القاع
الا يالله لاتجزى غشيم ٍ .. قالها فيّه
لهو صفاع .. ياربي .. ولاهو للعرب نفاع
بلاني وابتلى حاله ... وبعض الناس مبليه
نهيته قبل هالمره .. يخلي سيرتي .. ماطاع
الا يالعنبو جد القصيد .. ولعنبو بيه
ضعيف النفس ( نسونجي ) يشوف بعينه الاطباع
يحسبني مثل ربعه .... يسوق بضاعته ليه
انا اشري .. لابغيت اشري .. ولاني مساوم البياع
الى من قاللي ميه .. عطيته فوقها ميه
انا اكتب .. لجل من يقرا .. ولاارجي من يقول ابداع
وابد لاتحسبن مثلك يشكلي أهميه
ترى ياهيه .. لامني نويتك .. بس اطق اصباع
يجيني الف شيطان ... ووراهم الف جنيه
أجرك من طرف حرفك .. وارد الصاع مية صاع
جنون القاف ... ارقصها ... على راسك .. هجائيه
يويلك لو توليتك .. وربي .. مالك الشفاع
يجيك من القصيد .. احسب .. ثلاثميه.. ثلاثميه
ولكن .. خلك بحالك .. مادام ان الصدور وساع
ترى للحين ماضاقت ولسعها .. شماليه

--------------------------

[الـمـعــتـزل]

ابداع يا فرفوش وصح لسان قايلها وحتى نقلك لها ابداع قصيده قمه في الروعه سلمت يمينك

[اطالع جمالك]

صح لسانك فرفوش ويعطيك العافية

[صاحب الامتياز]

صح لسانك .. وش هذا التميز والابداع .. لاتحرمنا من جديدك.. تحياتي,,,

[الواعد]

قصيده ممتازه ولها معاني واهداف

لك تحياتي