مـــــــــــــــشا كـــــــــــــــــــسة

[تعبت اشكي]

مـــــــــــــــشا كـــــــــــــــــــسة ----

يعاتبنـي وقلبـه بـي تـولّـع
وانـا ودي أزيـده بالتيـاعـه
حبيبي والدلع لي قـد تشـرّع
طبيعة مـا تصنّعهـا صناعـه
سجد رمشي خجل لحظة ودمّـع
وعاوده الوله ينشـر شراعـه
ويبحر فـي المحيّـا وايتمتّـع
سماحة طاغية حـسّ ووداعـه
مزاجيّـة ولا لــي بالتمـيّـع
مغير القلب مجنـون اندفاعـه
وانا وانته مـزاجٍ لـو تجمّـع
عنادي يسلبه في كـل ساعـه
أداري نبضي الصـارخ أركّـع
جيوش من الوله عندي مطاعه
واحب الوصـل لامنّـه تقطّـع
يحرّك لاعج اشواقي انقطاعـه
ولامن غاب طيفـك أو تمنّـع
يهذّب كبريا روحـي امتناعـه
على سربٍ من الآهات تسمـع
حنيني عانقك لحظـة سماعـه
تهادى بارقـه لامـع مرصّـع
على صدر السما سامي ارتفاعه
أنا صمتي لغـة ناظـر تتبّـع
بعض شوقي تراتيلـه شفاعـه